طعام عربي

طريقة عمل يالنجي وصفات رمضان

طريقة عمل يالنجي صفات رمضان

الحشوه..

بطنجره غلى الغاز بنزل ربع كأس زيت زيتون و حبتين بصل مفرومين ناعم وبنقلبهم حتى يذبل البصل بنزل تلات حبات بندورة مفرومين ناعم.. حبة فلفل رومي مقطع ناعم وبنقلبهم.. وبنزل معلقتين كبار دبس فليفله.(اذا مو متوفر حطو نص حبة فلفل رومي احمر..) معلقتين كبار معجون طماطم
كاسة شاي عصير ليمونكاسة شاي دبس رمان بقلبهم منيح.. وبنزل كيلو رز مصري منقوع.. بقلبهم مع بعض بتركهم خمس دقايق حتى يتشرب الأرز النكهة.. وبنزل نعنع ناشف نعنع اخضر اقل من كأس…. ضمة بقدونس…. ملح…. بابريكا معلقه كبيره…. كزبرة ناشفه معلقه صغيره…. معلقه صغيره سكر بقلبهم وبطفي الغاز.. بخليها تبرد وببلش الف بالورق.. استخدمت
كيلو ورق عنب

المرقه..

مي سخنه…. معلقه صغيره دبس رمان….. معلقه صغيره ملح…. معلقه صغيره سكر…. زيت نباتي معلقتين كبار… زيت زيتون. معلقتين كبار بحركهم منيح.. بالطنجره اول طبقه ورق عادي وبعدين بنحط بطاطا مقطعه خميل.. بنرتب الورق.. بحط تقل على الورق وبنزل المرقة وبشغل الغاز مدة ساعه على نار واطيه.. ممكن قبل ماطفو الغاز تحطو عصير ليمون ….
اذا بدكم يطلع قالب لازم تتركو بالطنجره اقل شي ست ساعات وممكن تعملو قبل بيوم

السابق
طريقة عمل سمبوسك بطاطا وصفات رمضان
التالي
طريقة عمل الدحدح وصفات رمضان

اترك تعليقاً